Денес (недела 09.01) кон крајот на денот и во текот на ноќта во западните делови ќе има пообилни врнежи кои на повисоките места и на планините ќе бидат од снег, информираат од Управата за хидрометеоролошки работи.
Утре (понеделник 10.01) ќе се задржи облачно со пообилни врнежи (локално над 25л/м2) кои во западните и северните делови, како и на повисоките места ќе бидат претежно од снег. Ќе се формира нова снежна покривка, особено во западните делови (и во Полог и Пелагонија). Повремени врнежи од снег ќе има и во делови од Скопската Котлина.
Ќе започне да дува умерен северен ветер кој во вторник и во среда ќе биде засилен.
Повремен локален снег ќе има во вторник, а од среда времето ќе биде стабилно со ниски утрински температури (на места и под -10 степени), а и дневните на места ќе останат негативни.