Времето денеска ќе биде сончево и топло со слаб до умерен ветер претежно од јужен правец.
Попладне ќе биде нестабилно наместа со дожд, грмежи и засилен ветер, а локално ќе има услови за краткотрајно невреме, информираат од Управата за хидрометеоролошки работи.
Максималната температура ќе биде во интервал од 20 до 26 степени.
Во Куманово и околината денеска ќе имаме претежно сончево време со облачност во попалдневните часови и слаби услови за врнежи од дожд и грмотевици.
Максималната температура во кумановско денеска ќе достигне 24 степени.
Како што информираат од УХМР, следува период на променливо облачно и топло време со сончеви периоди.
Во попладневните часови ќе биде нестабилно со пороен дожд, грмежи и засилен ветер.
Локално процесите ќе бидат поинтензивни во форма на невреме со краткотраен силен ветер, електрични празнења и услови за појава на град.
Никола Ивановски