Европската радиодифузна унија (ЕБУ) објави дека социјалната мрежа ТикТок станува „официјален партнер за забава“ на Евровизија, при што популарната платформа на своите корисници им нуди специјално креирана програма поврзана со Евровизија.
Содржини како специјално подготвени плејлисти или содржини што се случуваат зад сцената на Евровизија.
– Возбудени сме што ТикТок ќе го направиме официјален партнер за забава на Евровизија 2022 година, тесно соработувајќи заедно за да создадеме уште поексклузивна и интересна содржина. Заедницата на TikTok навистина ја прифати Евровизија минатата година и сега со нетрпение очекуваме да им овозможиме невиден пристап до најголемиот светски музички настан во живо и да инспирираме сосема нова генерација фанови – рече Мартин Остердал, извршен директор на Изборот за песна на Евровизија.
Како „официјален забавен партнер“ на Евровизија 2022, TikTok ќе ја зголеми популарноста на музиката, уметниците, земјите како и самиот настан, преку специјално креирана програма, музички плејлисти и содржини зад сцената.
Полуфиналето на Евровизија и големото финале ќе бидат достапни за стриминг преку официјалната сметка на Eurovision Ticket Tok.
Изборот за песна на Евровизија 2022 година ќе се одржи во Торино, Италија, а големото финале е закажано за 14 мај. Минатогодишната победа на Евровизија ја однесе италијанскиот рок бенд „Манескин“.