Според податоците на Светската здравствена организација (СЗО), бројот на случаи на рак во светот се очекува да се зголеми за 55 отсто до 2040 година во споредба со 2020 година.
„Доколку стапката на рак остане стабилна, а растот на населението и стареењето продолжат паралелно, се проценува дека до 2040 година во светот ќе бидат регистрирани 28 милиони нови случаи“, објави СЗО, пренесува Анадолија.
До 2040 година, бројот на заболени од рак се очекува да се зголеми за 54,9 отсто во споредба со 2020 година, при што зголемувањето е за 60,6 отсто поголемо кај мажите отколку кај жените.
Ракот, втора водечка причина за смрт, се дијагностицира кај 734.000 луѓе секоја година, а во 2020 година, една од шест смртни случаи се должи на рак.
На повеќе од 19,2 милиони луѓе ширум светот им бил дијагностициран рак во 2020 година, додека повеќе од 9,9 милиони луѓе починале од оваа болест.
Клучот за превенција е раната дијагноза
Најчестите видови на рак се познати како рак на белите дробови, простатата, дебелото црево, желудникот и црниот дроб кај мажите, а ракот на дојка, дебелото црево, белите дробови, грлото на матката и тироидната жлезда кај жените.
Околу 400.000 деца годишно заболуваат од рак ширум светот.
Физичкиот, емоционалниот и економскиот товар на болестите продолжува да се зголемува ширум светот, што ја прави ситуацијата исклучително тешка во многу земји со среден и понизок приход.
Од 30 до 50 проценти од смртните случаи предизвикани од рак може да се спречат со рана дијагноза и ефективен третман, додека значителен број пациенти немаат пристап до навремена дијагноза и третман.
Третманите како што се хирургија, хемотерапија, радиотерапија и трансплантација на коскена срцевина се најчестите третмани за рак.
Според Меѓународната агенција за истражување на ракот, најмногу случаи има Азија – 9,5 милиони.