Турски авион наменет за евакуација на луѓе бил застрелан од паравоените сили во Судан во моментот кога слетал во главниот град Картум.
Во нападот е ранет член на екипажот.
Според суданската армија, авионот слетал безбедно и сега се поправа, пишува Daily Mail.
Да потсетиме, од 15 април во Судан се водат борби меѓу суданската армија и Силите за брза реакција (РСФ).
Конфликтот избувна меѓу единиците лојални на суданскиот воен владетел Абдел Фатах ал-Бурхан и РСФ предводени од Мохамед Хамдан Дагал, познат како Хемедти, кој е заменик-шеф на владејачкиот совет во кој беа вклучени и двајцата лидери.
Нивната борба за моќ ја оневозможи транзицијата кон цивилно владеење и предизвика страв од долга граѓанска војна.
Досега во Судан се убиени најмалку 500 луѓе, а повеќе од 4.000 се ранети. Светската здравствена организација стравува дека бројот на загинати би можел да биде значително поголем.