Пет водечки невладини организации ги прекинаа активностите во Авганистан откако владата на Талибанците им забрани на жените да доаѓаат на работа и да работат за нив.
Care International, Норвешкиот совет за бегалци (NRC) и Save the Children рекоа дека не можат да ја продолжат својата работа „без нашиот женски персонал“, пренесува BBC.
Меѓународниот комитет за спасување (ИРЦ), исто така, ги суспендираше услугите, додека Исламската помош соопшти дека ги запира повеќето од своите операции.
Талибанците во Авганистан постојано ги потиснуваат правата на жените.
Последниот декрет за невладините организации дојде само неколку дена откако талибанците им забранија на жените да посетуваат универзитети.
Абдел Рахман Хабиб, портпарол на талибанското Министерство за економија, ги обвини работничките на странските хуманитарни организации дека го прекршуваат кодексот на облекување со тоа што не носат хиџаб.
Талибанците се заканија дека ќе ја одземат лиценцата на секоја организација што не ја почитува забраната.
Оттогаш се појавија бројни хуманитарни групи кои бараат на жените да им се дозволи да продолжат да работат за нив.