Советот на Руската Федерација, Горниот дом на рускиот парламент, во вторникот гласаше за одобрување за вклучување на четири украински региони во Русија, додека Москва се движи кон формално анексирање на териториите.
На седницата одржана во вторникот, Советот на Федерацијата едногласно го ратификуваше законот за анексија на украинските региони Доњецк, Луганск, Херсон и Запорожје, по слично гласање во Думата, Долниот дом, вчера.
Документите сега се враќаат во Кремљ за конечниот потпис на претседателот Владимир Путин за да се заврши процесот на формално припојување на четирите региони, кои претставуваат околу 18 отсто од меѓународно признатата територија на Украина, пренесува Ројтерс.
Русија ги објави анексиите откако го одржа, како што го нарече референдум, на окупираните територии на Украина. Западните влади и Киев рекоа дека референдумите го кршат меѓународното право и дека се принудни и нерепрезентативни.
Сите информации поврзани со најновите случувања со војната во Украина можете да ги прочитате ТУКА.