Алона Кравченко, позната и како „вистинската златна коса“, има коса долга 1,95 метри и сите се прашуваат како е можно таа да и е толку долга и како совршено ја одржува.
36-годишната инфлуенсерка од Украина не се шишала речиси три децении, а неодамна на своите профили на ТикТок и Инстаграм покажа како се чешла и одржува косата.
На видеото се гледа како нејзината фризерка Алена Стеколшикова ја држи косата на половина, а потоа ги чешла врвовите.
Алона е горда на својата коса за која тврди дека може да и го покрие целото тело и речиси и да нема потреба да носи облека.
За да го задржи сјајот и силата, се труди да не ја мие често, а тоа го прави во просек еднаш на секои три недели.
– Кога луѓето ќе видат колку е долга мојата коса, не можат да го сокријат својот ентузијастички изглед и емоции и тоа е одлично. Многумина ми приоѓаат да ми дадат комплимент за мојата коса и велат дека тоа денес е нешто невообичаено ретко и убаво – истакнала Алона, пренесува Дејли Стар.
Поради беспрекорната коса, но и фантастичниот физички изглед, Украинката стана голем хит на социјалните мрежи со повеќе од 90.000 следбеници на Инстаграм.
Секојдневно се соочува и со необични барања, а едно посебно и привлече око.
„Најнеобичното нешто што ми го бараат се барањата да ми ја мирисаат косата“, рече Алона.
View this post on Instagram