Во бракот, партнерите се соочуваат со многу ситуации кои многу често можат да тестираат се што изградиле со текот на годините.
Вистинската заедница се гледа само во тешки периоди како што се болест, неплодност или неверство. Само овде може да се види колку паровите се подготвени да жртвуваат и дали се придржуваат кон тоа „во добро или во лошо“.
Раѓање на дете
Првите месеци по раѓањето на детето се чудесни и тешки. Недостатокот на сон и сомнеж во се што правите предизвикуваат нервоза, затоа кавгите се почести.
Обидете се подеднакво да ја споделите грижата за детето со вашиот партнер, за да не го носите целиот товар сами. Ова ќе го намали стресот и ќе ве поврзе уште подлабоко.
Отказ
Финансиската криза е вистински товар за бракот, а недостатокот на основни средства за живот може да ги натера луѓето да се обвинуваат едни со други за отпуштање, лоши инвестиции или несовесно трошење.
Таквата ситуација го менува сегашниот начин на живот, предизвикува стрес и влијае на целото семејство.
Треба да ѝ се пристапи со ладни глави и заедно да одлучите кој е вашиот следен чекор.