Што значи ако ти игра окото? Ова веројатно ви се случило и сигурно сте си го поставиле прашањето.
Одговорот е дека точните причини за овој феномен не се прецизно познати.
Но, се верува дека „играњето на очите“ е поврзано со дефект во одредени нервни области лоцирани во основата на мозокот. Тие нервни области ја контролираат координацијата на мускулите и движењата.
Што значи ако ти игра окото?
И покрај името, „играњето“ на окото всушност значи движење на очниот капак, но не и на самото око.
„Играње“ на очите е честа појава и обично не е причина за загриженост, но доколку трае подолго, треба да посетите лекар и да го прегледате.
Состојбата на привремено или долгорочно треперење на окото се нарекува миокимија. Тоа е предизвикано од неволното откажување на невроните кои ги стимулираат мускулите на очните капаци.
Што значи ако тоа се случува со денови?
Иако грчењето на очите е главно безопасно, понекогаш може да укажува на сериозни здравствени проблеми.
Кога „игра“ со денови, вашиот очен капак веројатно ве предупредува за еден од следниве проблеми:
Конзумирате премногу кофеин
По конзумирање на кофеин, пулсот значително се зголемува, но и метаболизмот се забрзува, што доведува до загревање на мускулите.
„Кофеинот веројатно најмногу го стимулира очниот капак бидејќи е најподложен на него“, вели очниот хирург Брајан Боксер Вахлер.
Кога „игра“ со денови, причините можат да бидат: стрес, алергии, недостаток на сон…
Под стрес сте
Како што тврдат многу експерти, стресот е болест на 21 век, а постојат многу начини на кои нашето тело реагира на стресот. Еден од нив е играње на окото.
„Тоа е знак дека сте под голем стрес и дека вашето тело е на работ на пукање“, тврди оптометристот Хана Јеческел.
Затоа, важно е да се најде причината за стресот и се препорачува да се вклучите во релаксирачки активности, како што е јогата.
Имате проблем со алергии
Алергиите испуштаат хистамин во вашето тело и поради тоа телото реагира на различни начини.
Играњето на очите е прилично често, како и отекување и чешање во пределот околу очите.
Во такви случаи, капките за очи базирани на хистамин може да помогнат да се смири окото.
Недостаток на спиење
Очните капаци се најчувствителните мускули на телото, а малкумина знаат дека недоволното време кое го поминувате со затворени очи навистина им пречи.
Ако имате проблем со движењето на очите, тогаш веројатно не спиете доволно.
Затоа обидете се да го зголемите времето на спиење и овој проблем треба да исчезне.
Треба да ја смените диоптријата
Ако окото ви се грчи додека читате или користите компјутер, проверете ја диоптријата, бидејќи веројатно е време да ја промените.
Во тој случај, постои голема веројатност да ви се грчат очните капаци бидејќи им е тешко да се фокусираат.
Тумор
Во ретки ситуации, „играњето“ на очите може да укаже и на тумор.
Ако долго време го имате овој проблем и не можете да ја пронајдете причината, истражете ја и таа опција.
Доколку постои сомнеж, ќе бидете упатени на невро-офталмолог кој ќе ја процени ситуацијата, пишува womenshealthmag.com.
Кога окото „игра“ со денови, треба да одите на лекар и да направите преглед, советуваат лекарите.