Министерството за одбрана на Русија соопшти дека руските сили извршиле напад врз американскиот систем за противвоздушна одбрана Патриот и собориле два воени хеликоптери во украинската област Харков.
Во соопштението од Москва се наведува дека покрај системот Патриот и два воени хеликоптери Ми-8, во истата област е уништен и комплекс за поправка.
„Авијација, дронови, ракетни и артилериски сили на Руската Федерација уништија два воени хеликоптери на украинската воена авијација и работилница за поправка на оружје и воена опрема во областа Балаклија, регионот Харков. Системот за противвоздушна одбрана „Патриот“ беше погоден и во регионот Харков“, се вели во соопштението.
Зголемени напади во Русија
Од друга страна, најголемата нафтена рафинерија на југот на Русија е ставена надвор од работа поради нападот со украински дрон, потврди гувернерот на Ростовската област Василиј Голубев на каналот Телеграм.
Голубев рече дека беспилотните летала паднале на територијата на рафинеријата Новошахтинкс.
Украина изведе сеопфатен напад со беспилотни летала на неколку руски региони две последователни ноќи, повторно насочени кон енергетски објекти и запалија најмалку една рафинерија, соопштија властите претходно во средата.
„Рафинеријата за нафта во Рјазан беше нападната со беспилотно летало“, рече Павел Малков, гувернер на регионот Рјазан кој се граничи со московскиот регион на север, на апликацијата за пораки Телеграм.
Повеќе од 30 беспилотни летала се уништени во воздухот над регионот Воронеж, кој граничи со Украина, изјави гувернерот Александар Гусев на Телеграм, додавајќи дека е причинета само мала штета.
Нападите во средата, потсети Хина, уследија по една од најголемите воздушни операции на Украина на руска територија во вторникот, кога Киев гаѓаше цели во Русија со десетици беспилотни летала и проектили во напад што предизвика сериозна штета на голема нафтена рафинерија.
Рускиот претседател Владимир Путин, во изјава објавена во средата, го обвини Киев дека се обидува да се меша во претстојните претседателски избори со напади.