Рускиот претседател Владимир Путин за руската државна телевизија изјави дека, како што вели, „специјална воена операција“ во Украина добила позитивен импулс.
„Динамиката е позитивна“, изјави тој за државната телевизија „Русија 1“.
Како што додаде, „Се се одвива во рамките на планот на Министерството за одбрана и Генералштабот“.
Путин рече дека се надева оти војниците ќе постигнат повеќе победи откако Русија ја презеде контролата врз Соледар во источна Украина, што Киев го оспорува.
Бројот на загинати во Днипро се искачи на 35
Бројот на загинати од руски ракетен напад врз станбен блок во Днепар се искачи на 35, објавија украинските власти, пишува Гардијан.
Регионалниот гувернер на Днепро, Валентин Резниченко утринава потврди дека во нападот загинале 35 лица.
Акцијата за пребарување и спасување во Днепар траела речиси 40 часа, а спасувачите од под урнатините на катната зграда уништена од руска ракета извлекле уште неколку мртви.
Рускиот напад ги однесе животите на 35 жители на зградата, меѓу кои и две деца.
Спасени се 39 лица, 75 се повредени, од кои 14 се деца.
Не се знае судбината на уште 35 други жители на зградата, па потрагата по луѓе под урнатините продолжува.
Градоначалникот на Днепро, Борис Филатов, изјави за Ројтерс дека шансите да се спасат луѓе сега се минимални.
„Мислам дека бројот на загинати ќе биде десетици“, рече тој.
Преземајќи ја одговорноста за ракетните напади низ Украина, руското Министерство за одбрана во неделата соопшти дека ја постигнало својата цел.
Во соопштението на министерството објавено на Telegram се вели: „Сите одредени цели беа погодени“. Целта на нападот е постигната“.
Сепак, не се споменува нападот на станбената зграда во Днепар.
Украинскиот претседател Володимир Зеленски го осуди „кукавичкиот молк“ на рускиот народ во врска со нападот, истакнувајќи дека Украина добила пораки на сочувство и поддршка од целиот свет поради „овој терор“.
Сите информации поврзани со најновите случувања со војната во Украина можете да ги прочитате ТУКА.