Рускиот претседател Владимир Путин потпиша указ со кој им се дозволува на Русите со двојно државјанство да служат во вооружените сили на земјата, пишува „Москва тајмс“.
Изменетиот декрет сега значи дека оние со статус на постојан жител во странство може да бидат регрутирани во армијата.
Граѓаните со двојно државјанство претходно беа ослободени од воен рок.
Во септември Путин нареди делумна мобилизација во Русија бидејќи земјата се соочува со воени неуспеси во Украина и рече дека е потребна дополнителна работна сила за да се добие војната не само против Украина, туку и против нејзините западни поддржувачи.
Министерот за одбрана Сергеј Шојгу рече дека Русија ќе регрутира 300.000 резервисти за поддршка на нејзината воена кампања.
Тоа беше прва мобилизација во Русија по Втората светска војна.
Сите информации поврзани со најновите случувања со војната во Украина можете да ги прочитате ТУКА.