Европската команда на американските сили (US EUCOM) објави дека мајмунски сипаници биле пронајдени кај американски војник стациониран во базата во Штутгарт, Германија.
Портпаролот на ЕУКОМ, полковник Бил Спикс, истакна дека војникот е во изолација и се опоравува.
„Потврдуваме дека војникот стациониран во воената база во Штутгарт е позитивен на мајмунски сипаници. Војникот беше згрижен во копнената здравствена клиника во Штутгарт и моментално се опоравува во изолација во американската база“, наведува Спикс.
Тој истакна дека ризикот од инфекција за другите војници е многу мал и додаде дека како мерка на претпазливост треба да се следат контактите на клиничкиот персонал кој бил во контакт со пациентот.
„Случајот Штутгарт е западноафриканска варијанта, која е генерално блага и преносот од човек на човек е ограничен“, рече Спикс.
Како што рече, случајот во Штутгарт е „прв случај на мајмунски сипаници во американската армија“.