Претседателот на Република Северна Македонија Стево Пендаровски денеска во 14 часот ќе има јавно обраќање до јавноста по случувањата во Брисел, каде на Европскиот совет шефовите на држави и влади не постигнаа согласност за давање датум за старт на преговорите за членство во ЕУ на Македонија и Албанија.
-Обраќањето на претседателот Пендаровски ќе биде емитувано во живо на Националната радио телевизија, на македонски јазик на првиот програмски сервис, како и на вториот програмски сервис, на албански јазик. Обраќањето на Претседателот ќе биде толкувано и на знаковен јазик, информираат од прес службата на претседателот.
Неофицијално, како што јавуваат националните медиуми, Пендаровски ќе свика лидерска средба в недела на која ќе бидат поканети сите претседатели на партиите од македонски и албански блок.
Премиерот Заев во меѓувреме се врати од Брисел и свика итен состанок со министрите.
Лидерот на најголемата опозициска партија Христијан Мицкоски својот став ќе го изнесе во текот на денот преку прес-конференција.