Рано утринава околу 04.00 часот во ресторан во склоп на бензинската пумпа „Лук Оил“, лоцирана на автопатот Куманово – Скопје, вработениот В.Н. (23) од Куманово физички бил нападнат од поголема група непознати лица, гости во ресторанот, информираат од Министерството за внатрешни работи.
Сторителите влегле во ресторанот и незадоволни од услугата, почнале да навредуваат и да упатуваат пцовки кон вработениот, по што физички го нападнале удирајќи го во пределот на телото и главата, нанесувајќи му повреди во пределот на лицето и вратот. После тоа лицата го напуштиле објектот и побегнале во непознат правец. Увид извршила екипа од Секторот за внатрешни работи Куманово. Се преземаат мерки за пронаоѓање на сторителите и за целосно расчистување на настанот.