Експертот за здравје и фитнес Саскиа Грегсон-Вилијамс сподели неколку важни информации за Express.co.uk за сите оние кои би сакале да ослабат, но откри и неколку митови во кои треба да престанат да веруваат.
Дали мастите здебелуваат?
„Луѓето често веруваат дека треба да се држат настрана од сите масти за да избегнат да се здебелат“, рече Саскија.
Иако ова може да важи за преработена и замрзната храна која е богата со заситени масти, постојат неколку видови на здрави, незаситени масти, а тие се наоѓаат во храната како авокадо, јаткасти плодови и семки.
Саскија понатаму објасни: „Конзумирањето повеќе калории од согорената количина е вистинската причина зошто се дебелеете, без разлика од каде доаѓаат калориите“.
Наместо да се плашиме од маснотии, експертот сугерира дека приближно 30 проценти од дневните калории треба да потекнуваат од нив.
„Но, изберете добри масти кои се поврзани со подобрен имунитет, кардиоваскуларни и мозочни функции, како и намалено воспаление“, рече Саскија.
Детоксикациските диети се клучни за здравјето?
Саскиа објасни: „Диетата за детоксикација станува сè попопуларна во велнес индустријата во последниве години и се вели дека ги отстранува токсините од телото, па дури и помага при дебелина, надуеност и варење“.
Сепак, таа откри дека нема цврсти докази за тоа. „Во реалноста, не мора да се мачите со таканаречените производи за детоксикација за да останете здрави, бидејќи тие всушност не ве чистат од ништо – телото е многу способно самостојно да ги отстранува токсините. Освен тоа, диетата за детоксикација всушност може да биди нездрав“.
Има неколку недостатоци на диетата за детоксикација: телото не добива доволно протеини, луѓето кои се на прекумерна исхрана може да страдаат од мачнина, дехидрација и вртоглавица, а има и компромис на имунолошкиот систем.
Урамнотежената исхрана мора да вклучува месо?
Апсолутно е можно да не се јаде месо и да се биде здрав, смета Саскија. „На повеќето вегетаријанци и вегани им е кажано дека е нездраво да го исфрлите месото од вашата исхрана. На пример, „од каде добивате железо“ е вообичаено прашање“.
Додека оние кои не јадат месо може да ризикуваат недостаток на железо и есенцијални хранливи материи како што се витамин Б12 и омега-3 масни киселини, со малку внимание и планирање на оброците ова може да се поправи.
Саскиа објасни: „Оревите, мешунките и лиснатиот зелен зеленчук се извори на железо, додека храната базирана на соја содржи омега-3 и можете да купите нешта како житарици и незасладени пијалоци од соја кои се збогатени со витамин Б12“.
Дали овошјето е лошо за вас затоа што содржи премногу шеќер?
Додека некои експерти препорачуваат луѓето на диета да консумираат пет оброци на ден, други тврдат дека овошјето треба да се избегнува бидејќи содржи многу шеќер.
Саскиа еднаш засекогаш го разоткри овој мит. „Дали тоа значи дека треба да се откажеме од овошјето? Апсолутно не.
Прво, овошјето содржи природни шеќери, како што е фруктозата, наместо преработени шеќери кои претставуваат ризик, како што се расипување на забите и зголемување на телесната тежина, иако лесно е да се претера со вештачки шеќери, потешко е да се направи истото со фруктозата од овошјето“, заклучи таа.