Австралијка која боледувала од деменција завршила во болница со повреди опасни по живот, откако полицијата ја погодила со електрошокер во дом за стари лица.
Инцидентот се случил во средата кога полицајците пристигнале во домот за стари лица Yallambee Lodge во Куома по извештаите дека 95-годишната Клер Ноуленд се шетала со нож во рацете.
Кога полицијата пристигнала во објектот, ја нашла Ноуленд со нож за месо.
Надлежните и вработените во домот за стари лица се обиделе да ја смират ситуацијата, но 95-годишната жена полека тргнала кон полицијата, по што била удирана со електрошокер.
„Користеше шетач. Но имаше нож“, соопшти полицијата, а пренесе Би-би-си.
Службеникот нема да биде суспендиран
Пријател на семејството на постарата жена, Ендрју Талер, тврди дека таа била тејзерирана двапати, во градите и грбот, поради што паднала на подот и добила фрактура на черепот и тешко крварење на мозокот.
По јавен негодување поради, како што многумина тврдат дека е „несоодветен одговор“, полицијата на Нов Јужен Велс (NSW) соопшти дека започнала истрага.
Таа додаде дека полицаецот инволвиран во инцидентот не е суспендиран, туку ќе биде сослушан во рамките на истрагата.