По повеќе од 70 години, во Саудиска Арабија е отворена првата продавница за алкохол, што е уште еден чекор во либерализацијата на до неодамна ултраконзервативното кралство.
Иако продажбата е ограничена на немуслимански дипломати, продавницата во Ријад доаѓа во време кога престолонаследникот на Саудиска Арабија, Мохамед бин Салман, сака да ја направи земјата туристичка и деловна дестинација, како дел од амбициозните планови за постепено одвикнување од нејзината економија од зависноста исклучиво од нафтата, пренесува АП.
Продавницата се наоѓа веднаш до супермаркет во дипломатскиот кварт на Ријад, изјавил за американската агенција еден дипломат кој бил во продавницата и рекол дека е слична на луксузна продавница без царина на голем меѓународен аеродром.
Се продаваат повеќе видови на алкохолни пијалоци, вино и два вида пиво, а вработените побарале од клиентите да покажат дипломатска легитимација и да ги стават мобилни телефони во торбите додека се во продавница.
Досега дипломатите можеа да увезуваат алкохол преку специјализирана државна служба.
Саудиска Арабија го забрани алкохолот во раните 1950-ти.
Тогашниот крал Абдулазиз, основачот на Саудиска Арабија, ја прекина продажбата по инцидент во 1951 година, кога еден од неговите синови, принцот Мишари, се опијани и го застрела британскиот вицеконзул во Џеда.