По 11ти пат, Мото клубот „Мечки“ ќе ја организира манифестацијата „Дедо Мраз на мотор“ која и оваа година ќе биде под мотото „Тажните најубаво се смеат“.
Loading...
Новогодишни пакети со храна, кумановските моторџии ќе однесат во Дневниот центар за лица со интелектуална попреченост во петок во 12 часот, а час претходно дружба ќе организираат со сите граѓани на Куманово на градскиот плоштад, по што со своите мотори ќе продефилираат низ градот.
Манифестацијата „Дедо Мраз на мотор“ важи за една од најинтересните и најубавите во Куманово, а организаторите и годинава ги повикуваат сите заинтересирани да бидат дел од предновогодишниот хепенинг.