Јан Тајли е сопственик на најмалата куќа во Британија, која има место во Гинисовата книга на рекорди 100 години и сега привлекува илјадници посетители секоја година
Најмалата куќа во Велика Британија неодамна доби нова софа. Една мала куќа во Конви, Северен Велс има две соби една над друга на приземје и прв кат. Ова се единствените простории во куќата што немаат ниту тоалет, само мијалник.
Јан Тајли, сопственикот на куќата, ја одржува како туристичка атракција шест месеци во текот на годината, иако оваа година мораше да се отвори малку подоцна од планираното поради ограничувањето наметнато со КОВИД пандемијата.
„Куќата е во моето семејство пет генерации“, рече Јан за „Мирор“.
– Мојот прадедо ја купил куќата во 1891. Но, градот му рекол девет години подоцна дека е премногу мала за да биде куќа и тие сакале да ја урнат. Но, за среќа, тој беше добар пријател со уредникот на локален весник, кој започна кампања за да открие дали е тоа најмалата куќа во Британија. Излезе дека е најмалата куќа и градот не ја урнал.
Сепак, се тврдеше дека куќата е сѐ уште премногу мала за луѓето да живеат, па затоа се користела како туристичка атракција.
Куќата е висока 3,9 метри и широка само 1,82, така што Гинисовата книгата на рекорди ја препознава како најмалата британска куќа, а таква е веќе сто години.
Сопственикот Јан никогаш не размислувал да стави мебел во куќата бидејќи нема доволно простор. Но, кога Снуг ја контактирал за да види дали една од нивните софи ќе се вклопи во куќата, таа помислила дека тоа ќе биде интересен предизвик.
– Сакав да бидам таму кога го поставија троседот, не можев да го пропуштам.
Десетици туристи, исто така, застанаа и гледаа како доставувачите се обидуваат да внесат софа во најмалата британска куќа. Но, тие не се замараа премногу, успеаја да го направат тоа за неколку минути.
Јан беше импресиониран од новиот додаток, но не долго. Таа рече дека куќата годишно ја посетуваат околу 50.000 луѓе на кои и онака им е тешко да се движат во тесен простор, а сега ќе биде уште потешко.
https://youtu.be/iLqqEb2kaBI