Оптичката илузија од 1985 година, која покажува како далтонистите ги гледаат боите, започна да се споделува на социјалните мрежи.
Станува збор за илузија што го прикажува британското знаме во жолто-зелена комбинација на бои, со црна точка во центарот на сликата. Се објаснува дека треба да се гледа во точката 20 секунди.
По 20 секунди, сликата исчезнува, но после тоа, на повеќето луѓе им се чини дека британското знаме се појави на бела позадина во неговите традиционални бои – црвена, сина и бела.
Оптичката илузија се објаснува со едноставна теорија на три рецептори.
Според оваа теорија, човечката мрежница содржи три рецептори на бои, наречени конусни клетки, кои апсорбираат различни бои од спектарот.
Кога гледаме зелена боја долго време, сино-зелените рецептори се уморуваат и реагираат помалку од вообичаено на белиот екран, но црвените рецептори, кои не биле во употреба, реагираат нормално.
Затоа, се чини дека по 20 секунди гледаме црвено на бела позадина. Во исто време, жолтиот дел од сликата ги заморува рецепторите за црвена и зелена боја, па по 20 секунди остануваме со сина боја.
Кога сликата исчезнува, односно останува белата позадина, само рецепторите на сината боја работат нормално, што доведува до тоа да биде доминантна боја што ја набљудуваме.
Оваа илузија покажува како далтонистите, чии рецептори се помалку чувствителни на една од овие три бои, можеле да ги видат боите, но се забележува дека не можеме да знаеме со сигурност како навистина ги перципираат.
Илузијата била објавена уште во 1985 година, а BBC за прв пат ја објави на социјалните мрежи.
Ever wondered what colour-blind people can actually see? #OnThisDay in 1985, Horizon had the answer via the London Underground map, while viewers stared at a dot to make the Union flag appear in red, white and blue on a blank screen. pic.twitter.com/b1cyJscgzT
— BBC Archive (@BBCArchive) January 7, 2021