Општина Куманово не може да издава дозволи за градба за жителите од населбата Карпош, бидејќи истата е надвор од планскиот опфат, откако пред неколку години со одлуката на Владата на Република Македонија е укинат Урбанистичкиот план за оваа населба кој претходно го донел Советот на Општина Куманово, рече градоначалникот Максим Димитриевски.
– Имаме сериозен проблем како општина и не можеме да издаваме урбанистичка документација за било каква градба во овој дел на градот бидејќи согласно Урбанистичкиот план, тогаш ние дефиниравме дека се работи за месност населба Карпош, а откако е укуинат планот имаме состојба ова место да е надвор од плански опфат и треба да биде третирано како село, со што не можам да се сложам. Развиена е по урбан тип согалсно правила во урбанизмот, иако и во најголем дел градел кој каде сакал, рече Димитриевски.
Населбата како што посочи кумановскиот градоначаник, има сериозни ккомунални проблеми, со оглед дека во одредени делови не е решена ниду подземната ниту надземната инфраструктура, но вината е во Законот за легализација на дивозградените објекти.
– Сочувствуавам со граѓаните, но мора да бидеме свесни, Законот за легализација овозможи да се легализираат објекти од 200 метри квадрани за 200 евра, и на една улица ако има 20-30 објекти инкасираме 4.000 евра, а за инфраструктура треба да се потрошат 100.000 евра и тоа е сериозен проблем. Затоа многупати потенцирам дека ние сите очекуваме општината да даде, но треба да ги гледаме и нашите обврски кон општината, појасни Димитриевски.
Ќе биде формирана и комисија која со споредување на снимки од Гугл ќе проверува дали објектите се изградени пред или по 2011 година. Оние кои биле изградени подоцна нема да добијат решенија за легализација.