Најмалку 10 лица го загубија животот во страотниот пожар што вечерва околу 21 часот изби во модуларната ковид болница во Тетово, информираат од Министерството за здравство.
– Во Тетово се случи несреќа која однесе повеќе човечки жртви. До моментов се потврдени десет загинати во пожарот, но бројката може да порасне. Ова е многу тажен ден, министерот за здравство д-р Венко Филипче, изразува најдлабоко сочуство до семејствата, велат од МЗ.
Лекарите се борат за животите на повредените, да им посакаме среќа и да останеме со мислите со нашите сограѓани вечерва.
МЗ апелира до медиумите и граѓаните да не се шпекулира со бројките. Сите потврдени информации навреме ќе ги споделиме, стои во соопштението.
Никола Ивановски