Американските разузнавачки служби ги објавија резултатите од долгорочната истрага поврзана со синдромот Хавана.
По речиси 7 години од појавата на необични симптоми на болеста на американските службеници, разузнавачките служби конечно објавија извештај за Хавана синдромот.
Загонетниот збир на симптоми познат како Хавана синдром не е резултат на непријателска акција, заклучика американските разузнавачи.
Извештајот ја побива теоријата дека стотици американски функционери биле цел на непријател кој користи енергетски бранови како оружје, изјавија разузнавачите за Вашингтон пост.
Оваа разузнавачка проценка на тој начин стави крај на повеќегодишниот напор на американските разузнавачки служби предводени од ЦИА, кои се обидоа да објаснат зошто голем број службеници ширум светот биле жртви на необични и болни симптоми.
Многу од пациентите веруваат дека се жртви на намерен напад оркестриран од Русија или други непријателски земји.
Неименуваните официјални лица сега го негираат тоа тврдење и велат дека извештаите речиси на секој начин го покажале спротивното.
Седум разузнавачки агенции учествуваа во истрагата за околу 1.000 случаи, а пет од тие седум агенции веруваат дека е малку веројатно дека непријателските влади биле вмешани во ситуацијата и дека користеле енергетско оружје или други средства што може директно да влијаат на здравствената состојба на американските службеници.
Но, ниту една агенција не го отфрли тврдењето дека непријателите не биле вмешани.
„Не постои шаблон по кој би можеле да се поврзат поединечните случаи. Исто така, по исцрпна форензичка и геолошка истрага, не беа пронајдени докази дека е употребено енергетско оружје: „Немаше ништо“, рекоа неименуваните официјални лица.
Целата ситуација ја коментираше и директорот на ЦИА, Вилијам Џеј Барнс.
„Ова беше една од најголемите и најинтензивните истраги во историјата на агенцијата. Ќе продолжиме да бидеме внимателни за сите ризици поврзани со здравјето и благосостојбата на вработените во агенцијата и ќе се погрижиме вработените да ја добијат грижата и почитта што ја заслужуваат.
Сѐ започна во 2016 година
Првите пациенти се појавија во американската амбасада во Хавана во 2016 година, па така и самиот синдром го доби името.
Главните симптоми на синдромот се гадење, главоболка и непријатност.
Надлежните беа фрустрирани од фактот што не се знаеја поради што се разболеле.
Во меѓувреме се појавија разни теории и почнаа да се зборува за употребата на енергетско оружје, што ги загрижи сите уште повеќе.
Иако веројатноста за ова е многу мала, таа не е целосно демантирана.