Иван Печорин, руски бизнисмен, главен менаџер на корпорацијата за развој на Далечниот Исток и Арктикот, е пронајден мртов во близина на Владивосток, што е последната во низата мистериозни смртни случаи меѓу руските директори.
Како што јави рускиот државен медиум РИА Новости, управата на Владивосток соопшти дека телото на бизнисменот е пронајдено во близина на селото Берегово.
Печорин, наводно, се удавил на 10 септември во близина на Кејп Игнатов во Владивосток, откако паднал од брод во полна брзина.
„На 12 септември 2022 година дознавме за трагичната смрт на нашиот Иван Печорин, генерален директор за воздухопловната индустрија на Корпорацијата за развој на Далечниот Исток и Арктикот. Смртта на Иван е непоправлива загуба за пријателите и колегите, голема загуба за корпорацијата. Изразуваме искрено сочувство до семејството и пријателите“, се вели во соопштението на компанијата објавено во понеделникот.
Според информациите на „Комсомолска правда“, Печорин, како еден од кадрите на Путин, работел на модернизација на авијацијата на истокот на Русија, а сега и на истражување на ресурсите на Арктикот, во услови на остри санкции против Русија.
Another Russian energy executive dies from mysteriously falling. Ivan Pechorin (39) was director of the Arctic development. He’s now added to a growing list of mysterious deaths, of high-powered national businessmen, since Putin’s invasion of Ukraine. https://t.co/d48m1jCc32
— Arctic Friend (@FriendEden100) September 13, 2022
Печорин е деветтиот познат руски бизнисмен кој наводно го загубил животот под сомнителни околности од крајот на јануари.
Шест од нив се поврзани со двете најголеми руски енергетски компании, пренесува Си Ен Ен.
Четворица од шесте починати бизнисмени биле поврзани со руската енергетска компанија Газпром или една од нејзините филијали, додека другите двајца биле поврзани со Лукоил, најголемата руска приватна компанија за нафта и гас.
На почетокот на оваа година, компанијата зазеде необичен јавен став зборувајќи против војната во Украина, повикувајќи на прекин на конфликтот и сочувство за жртвите.
Претседателот на Лукоил Равил Маганов почина на почетокот на септември откако наводно паднал низ прозорецот на болницата во Москва, јави руската државна новинска агенција ТАСС.
Сите информации поврзани со најновите случувања со војната во Украина можете да ги прочитате ТУКА.