Гувернерката на државата Њујорк, Кети Хочул во петокот вечерта прогласи вонредна состојба во државата поради ширење на мајмунски сипаници.
„Прогласувам вонредна состојба во земјата за да ги зајакнеме нашите напори во борбата против мајмуните сипаници“, напиша Хочулова на Твитер, пренесе Ројтерс.
Таа додаде дека повеќе од еден од четири случаи на мајмунски сипаници во САД се пријавени во Њујорк, што исто така има непропорционално влијание врз ризичните групи.
Заклучно со 29 јули, државата Њујорк имаше вкупно 1.383 потврдени случаи на мајмунски сипаници, според веб-страницата на Одделот за здравство на градот.
Бразил и Шпанија претходно денеска ги пријавија првите смртни случаи од мајмунски сипаници надвор од Африка, а Светската здравствена организација минатата недела ја прогласи епидемијата на мајмунски сипаници за глобална здравствена вонредна состојба.