Оваа вест го шокираше светот, но несреќите на филмските сетови не се толку ретки.
Поради разни акробации, пиротехнички средства и други опасни реквизити кои се наоѓаат на филмскиот сет, несреќите понекогаш се неизбежни и сето тоа поради момент на невнимание.
Се потсетивме на некои од најголемите трагедии од снимањето филмови како смртта на Брендон Ли, падовите на каскадери од снимањето на акционите филмови xXx, Expendables и Top Gun и најголемата трагедија од снимањето на Twilight Zone во која загинаа две деца.
Трагичната смрт на Брендон Ли
Синот на легендарниот Брус Ли, Брендон Ли, исто така беше акциона sвезда во подем. Неговата ветувачка кариера и млад живот беа трагично завршени на сетот на филмот „The Crow“ во 1994 година.
Како и несреќата на Болдвин, и оваа вклучуваше реквизит пиштол. Се работи за револвер во кој случајно меѓу фалсификатите останал вистински куршум.
Снимање сцени каде што каскадери пукаат во Брендон, еден вистински куршум залутал во неговиот стомак и смртно го ранил кога имал само 28 години.
Експлозија на сетот на филмот „Expendables 2“
Силвестер Сталоне е sвезда на серијата филмови „Expendables“ кои, како и неговите други филмови, се полни со акција и експлозии.
На снимањето на второто продолжение имаше многу пиротехника. Додека секундарната екипа ја снимала сцената на експлозијата на гумен чамец во водата, двајцата каскадери се нашле премногу блиску. Експлозијата ранила еден, а усмртил друг каскадер.
Семејството на убиениот ја тужеше продуцентската куќа Лајонсгејт и по четири години судење тие добија само 270.000 долари што ја натера друга ѕвезда на филмот, Јета Ли, да донира дополнителни 800.000 долари за несреќното семејство.
Авионска мистерија на сетот на „Топ Ган“
Еден од најпознатите акциони филмови во кој глуми Том Круз, беше кобен за познатиот пилот и каскадер Арт Шол.
Додека летал со својот авион над морето со цел да сними воздушни снимки кои вклучуваат опасни пресврти, Шол изгубил контрола и почнал да паѓа сè подолу и пониско.
Неговите последни зборови биле „Имам проблем. Имам голем проблем“, по што слетал во морето и трагично починал.
Трагичен пожар на сетот на филмот „Motherless Brooklyn“
Едвард Нортон го имал своето режисерско деби во 2018 година во филмот „Motherless Brooklyn“. Неговото режисерско деби за жал не помина добро.
Пожар избувнал на сетот и пожарникарите во Њујорк реагирале брзо. Пожарникарот Мајкл Дејвидсон (37) починал во пожарот по 15 години во службата. Зад себе оставил сопруга и четири деца.
Фатална игра на руски рулет во серијата „Cover up“
Актерот Џон-Ерик Хексум беше убиен за време на снимањето на седмата епизода од серијата „Cover Up“ од 1984 година. Во сцената играше руски рулет со реквизит пиштол.
Еден истрел во глава го чинеше живот. Починал пет дена подоцна во болница во Беверли Хилс. Имаше 26 години.
Судир на сетот на „The Dark Knight“
Најпознатата трагедија поврзана со ова ремек дело е прераната смрт на актерската ѕвезда Хит Леџер на која и е посветен филмот.
Но, малкумина знаат дека каскадерот Конвеј Виклиф е убиен на сетот. Снимајќи сцена во која Џокер истрелува ракета од бетмобил, возачот и Виклиф удриле во дрво.
На возачот на автомобилот не му било ништо, но познатиот каскадер за жал се здобил со тешки повреди на главата од кои починал на лице место.
Смрт на параглајдер на сетот на хитот на Вин Дизел „xXx“
Познатиот акционен хит од 2002 година е полн со луди маневри со трикови. Вин Дизел играше зависник од адреналин, но, секако, сите негови акробации ги изведувале професионални каскадери.
Еден од неговите заменици, каскадерот Хари О’Конор, снимал лет со параглајдер и удрил со главата на дел од мостот во Чешка, каде што се снимал филмот. Неговите последни моменти биле снимени со камера и останале во филмот.
Фатална смрт на деца на сетот Twilight Zone
Во 1983 година, Стивен Спилберг го направи филмското издание на популарната серија Twilight Zonea. Една од сцените беше Виетнамската војна. Улогата на актерот Вик Мороу беше да спаси две деца од бојното поле.
На сетот имало секакви пиротехнички реквизити, многу оган и еден хеликоптер летал ниско. Децата трчале низ барата додека хеликоптерот изгубил контрола и паднал на подот.
Пропелер инстантно убил едно дете и Вик Мороу, а остатоците што летале насекаде фатално раниле уште едно дете.
До денес, ова е запаметено како најлошата несреќа од филмските сетови.
