Мајкл Перлис, директор на програмата за бихејвиорална медицина за спиење на Универзитетот во Пенсилванија, вели дека е сосема нормално да се разбудите околу три часот наутро, но тоа не значи дека можете лесно да се вратите на спиење.
– Просечниот човек се буди седум до 15 пати во текот на ноќта и тоа е сосема нормално – вели Перлис. Ако сте еден од оние кои се будат околу три часот наутро, постои историска причина, која датира неколку века наназад.
За време на индустриската револуција, сонот беше поделен на два сегменти – првиот и вториот сон. Кога се појави вештачка светлина, луѓето работеа и си играа длабоко во ноќта.
Како резултат на тоа, времето на спиење беше поместено, што го наруши биолошкиот ритам, т.е. 24-часовен телесен циклус.
За многумина, 3 часот наутро е всушност премин од длабока во полесна фаза на спиење. Во зависност од тоа кога ќе заспиете, можно е да се префрлите на РEM до 3 часот наутро.
За време на РЕМ фазата, нашиот мозок е поактивен, па затоа е поверојатно будењето додека е во оваа фаза. Сепак, на некои им е тешко да се вратат на спиење откако ќе се разбудат во тоа време.
Во тој случај, постојат чекори кои можете да ги преземете во текот на денот за подобро да го подготвите телото за сон.
Експертите советуваат да избегнувате кофеин и шеќер подоцна во текот на денот. Алкохолот, исто така, треба да се додаде на листата на храна што треба да се избегнува, пред спиење, бидејќи може да го прекине сонот во текот на ноќта.
Од друга страна, вежбањето, дури и 10 минути во текот на денот, може да помогне да се подобри вашиот сон и способноста на вашето тело да заспие ноќе.
Сепак, вежбањето во текот на ноќта може да ви додаде енергија, затоа обидете се да го правите тоа наутро, секогаш кога е можно.