Секоја територија формално припоена кон Руската Федерација ќе има своја целосна заштита, изјави рускиот министер за надворешни работи Сергеј Лавров, алудирајќи на референдумите што проруските сепаратисти ги одржуваат на југот и на истокот на Украина.
„Како може да биде поинаку? Сите закони, концепти и стратегии на Руската Федерација се применуваат на целата нејзина територија“, рече Лавров.
Рускиот претседател Владимир Путин, да потсетиме, минатата недела најави мобилизација на резервисти за војната во Украина, рече:
„Ако некој го загрози територијалниот интегритет на нашата земја, ние сигурно ќе ги искористиме сите средства што ни се на располагање за да ги заштитиме Русија и нашиот народ. ”
Сите информации поврзани со најновите случувања со војната во Украина можете да ги прочитате ТУКА.