Куќа лоцирана во населбата Перо Чичо вчера била опожарена, информираат денеска од Регионалниот центар за управување со кризи.
Loading...
Четворица пожарникари со две противпожарни возила вчера интервенирале на запалена куќа лоцирана на улицата „Веселин Маслеша“ во населбата Перо Чичо. Интервенцијата траела од 12:05 до 14:00 часот.
Кумановските пожарникари вчера интервенирале и на запалена сува трева во месноста Стари лозја. Таму интервенирале двајца пожарникари во период од 13:35 до 15:25 часот, но сепак изгореле околу три хектари површина.
Сува трева била запелена вчеравечер во месноста Зебњак, каде двајца пожарникари интервенирале од 21:05 до 22:10 часот.
Никола Ивановски