Австралиските истражувачи откриле дека за дебелите луѓе, губењето на само 10 килограми може да го врати имунолошкиот систем во рамнотежа.
Вишокот маснотии во стомакот може да го сврти одбранбениот систем на телото против вас, што може да доведе до срцеви и други болести.
Имунолошкиот систем се состои од многу различни типови на клетки кои го штитат телото од патогени. Овие клетки мора да коегзистираат во одредена рамнотежа за да се одржи добро здравје.
Многу фактори, вклучително и исхраната и вишокот телесни масти, можат да ја променат оваа рамнотежа, создавајќи имуни клетки кои можат да го оштетат наместо да го заштитат нашето тело.
Научниците веќе некое време знаат дека вишокот телесни масти, особено оние во абдоменот, предизвикува производство на таканаречени „проинфламаторни“ имунолошки клетки, кои циркулираат во крвта и го стимулираат воспалението во нашите тела.
Ваквото хронично воспаление е поврзано со коронарна артериска болест и други здравствени проблеми. Покрај тоа, други воспалителни имунолошки клетки, познати како макрофаги, исто така се вклучени во масното ткиво, пишува Live Science.
Студијата ги опфатила дебелите луѓе со дијабетес тип 2 или преддијабетес на кои им било ограничено да внесуваат помеѓу 1.000 и 1.600 калории дневно во текот на 24 недели. Резултатите покажале дека има намалување на бројот на проинфламаторни имунолошки клетки за 80 отсто, како и намалено активирање на макрофагите во масните ткива на учесниците.
„Пореметувањата со прекумерна тежина сега погодуваат голем број луѓе, а дебелината е главна причина за дијабетес тип 2 и некои видови рак“, вели истражувачката Кетрин Самарас, професорка на Институтот за медицински истражувања Гарван во Сиднеј.
Самарс, исто така, рекол дека губењето на тежината од околу шест килограми би било доволно за да се намали нивото на проинфламаторните клетки на нивото кое се наоѓа кај луѓето кои немаат вишок телесни масти.
Истражувачите, исто така, можеле да предвидат колку килограми ќе изгубат луѓето по операцијата врз основа на тоа колку се активни имунолошките клетки во нивните маснотии, а потребна беше повеќе работа за да се открие точната улога на овие имунолошки клетки во дебелината и дијабетес тип 2.