Најголемата годишна студија за влијанието на климатските промени врз здравјето на луѓето покажа дека во 2020 година до 19 отсто од земјината маса била погодена од екстремна суша и предупреди дека климатските промени претставуваат голема закана за безбедноста на храната, која веќе влијае на повеќе од две милијарди луѓе.
Студијата Lancet Countdown покажа дека, споредено со историскиот просек, глобалното население на возраст над 65 години доживеала дополнителни екстремно топли денови минатата година.
Населението од 134 земји сега е изложено на поголем ризик од шумски пожари отколку порано, а милиони земјоделци и градежни работници ги губат приходите поради зголемениот број на екстремно топли денови.
А климатските промени создаваат идеални услови за заразни болести како денга треска, вирусот зика, колера и маларија во многу поголеми области во светот, вклучително и во Европа, отколку пред само неколку децении.
„Климатските промени се тука и веќе гледаме штета по човековото здравје ширум светот“, рече Ентони Костело, извршен директор на „Lancet Countdown“.
„Како што продолжува кризата со Ковид-19, секоја земја исто така се соочува со некој аспект од климатската криза“.
Анализата покажа дека петте години со најмногу подрачја погодени од екстремна суша се по 2015 година.
Нарушувањето на циклусот на водата поради глобалното затоплување го скратува времето во кое растенијата достигнуваат зрелост, што резултира со низок принос и зголемен притисок врз производството на храна.
Според Лансет, потенцијалот за принос на пченка, глобална главна храна, веќе е намален за 6 проценти од нивоата 1981-2010 година. Пченицата забележала потенцијален пад на приносот од 3 отсто, а оризот за 1,8 отсто.
И морската храна од која зависат 3,3. милијарди луѓе е под „зголемена закана“, а просечната температура на морето се зголемува во речиси 70 проценти од територијалните води во споредба со пред само 15 години.
Извештајот, исто така, предупредува дека речиси три четвртини од анкетираните земји рекле дека веруваат дека не можат да си дозволат интегрирана национална стратегија за здравје и клима.
„Оваа година видовме луѓе кои страдаат од големи горештини, смртоносни поплави и пожари“, рече водачот на студијата Марија Романело.
„Ова се мрачни предупредувања дека, секој ден го одложуваме одговорот на климатските промени, ситуацијата станува покритична. Време е да сфатиме дека никој не е безбеден од ефектите на климатските промени“.
Во едиторијалот, Лансет ги повика светските лидери да пренасочат дел од милијардите што ги трошат за закрепнување од ковид-19 кон намалување на нееднаквоста и заштита на здравјето на претстојниот самит COP26.
„Овогодинешните показатели даваат мрачна перспектива: глобалните нееднаквости се зголемуваат, а здравствените резултати се влошуваат.
АФП доби нацрт-оценка за влијанието на климатските промени од Меѓувладиниот панел за климатски промени во јуни.
Предупредено е дека зголемувањето на температурите ќе изложи уште десетици милиони луѓе на болести и суша веќе во 2050 година.