Кина во вторникот соопшти дека ќе ја забрза вакцинацијата на лицата постари од 60 години против Ковид-19, откако земјата објави рекорден дневен број на инфекции во последните денови.
Соопштението доаѓа по викендот на протести со кои се бара крај на строгата политика на земјата за нулта ковид, која одговори дури и на мал број случаи со строги заклучувања и наредби за карантин, пренесува АФП.
Националната здравствена комисија на Пекинг (NHC) вети дека „ќе го забрза зголемувањето на стапката на вакцинација за лицата постари од 80 години и ќе продолжи да ја зголемува стапката на вакцинација за лицата од 60 до 79 години“.
Исто така, рече дека ќе „формира специјална работна група… за да направи посебни аранжмани за постарите лица да се вакцинираат против Ковид“.
– Неопходно е да се спроведе научна и популарна едукација за значењето и предностите на вакцинацијата и целосно да се објави ефикасноста на вакцините во превенцијата од тешки болести и смртни случаи – се додава.
Ниската стапка на вакцинација во Кина, особено кај постарата популација, долго време се смета за она што ја овековечува политиката за нулта Ковид.