Луѓето кои се во финансиска неповолност, најверојатно страдаат од хронични дијагнози, како што се кардиоваскуларни болести. Сепак, нова студија даде нова перспектива за тоа како финансиите можат да влијаат на нашето здравје, особено на ризикот од срцев удар.
Во студијата објавена во „ЈАМА кардиологија“, истражувачите велат дека промените во богатството се поврзани со ризик од срцев удар – зголемувањето на богатството е во корелација со помала веројатност за срцев удар, додека намалувањето на богатството е поврзано со повисок ризик.
„Намаленото богатство е фактор на ризик што може да се промени во текот на животот на една личност и може да влијае на кардиоваскуларниот здравствен статус на една личност“, изјави коавторот на студијата Матијас Ведугенет.
Користејќи податоци од РАНД Хеалтх Студѕ (ХРС) – кои следеле детални информации за финансиските средства на учесниците, вклучувајќи домување, заштеди, долгови и приход – истражувачите испитале 5.579 возрасни лица над 50-годишна возраст кои немале проблеми со срцето.
Помеѓу јануари 1992 година и декември 2016 година, учесниците ги пријавија сите нови здравствени дијагнози што ги добиле. Анализирајќи ги тие информации, истражувачите откриле дека субјектите чии средства се зголемиле имаат помала веројатност да развијат кардиоваскуларни болести, додека намалувањето на богатството го зголемува ризикот од срцеви заболувања.
„Намаленото богатство е поврзано со поголеми нивоа на стрес и помалку слободно време, а сето тоа е поврзано со посиромашно кардиоваскуларно здравје“, вели другиот коавтор на студијата, д-р Андреј Самарсоно.
Иако повеќето истражувања се фокусираат на приходите, ова истражување дава поширок поглед на тоа како финансиската состојба на една личност може да влијае на неговото здравје – платата може да биде примарен финансиски стрес во животот.