„Најдолгиот месец“ во годината
Не се вели без причина дека јануари е најдолгиот месец во годината. Како по правило, новата година носи нови трошоци, недостаток во паричникот, но и дополнителни килограми.
Тие килограми ќе си одат сами кога ќе започне стресот на недостаток на финансии, што е добро, ќе заштедиме пари за теретана.
Дали знаеме кои се нашите финансиски слабости, особено за време на новогодишните и божиќните празници – кога маркетинг-триковите се поизразени.
Кога касиерката ни нуди бесмислица, мали нешта што не ни требаат, а од кои едвај се пробиваме до касата. Сè е светкаво, само нè повикува да го купиме. Кој тогаш мисли на финансиите и блиската иднина, и како да го преживее јануари?
Опасен за животот и здравјето
Како да застанеме кога кредитна картичка е во наши раце, кога имаме пари во готовина…
Понекогаш е неопходен финансиски советник, но и неговиот надзор. Еден од стручните совети е дека секогаш кога сакате да купите нешто, размислете за палмите, плажата, морето, мирисот на летото во воздухот и можеби ќе се премислите.
Безбедни чекори во календарот за потрошувачи:
– Добар план за купување, задолжително уште пред платата да „легне“ на вашата сметка.
– Список на трошоци: прво сметки, потоа храна, подароци или што и да е… како што мисли некој.
– Бидете љубезни со себе си, затоа што шопинг манијата е занает кој честопати е емоционално задоволство, и тоа токму сега.
Парите со кои располагате ставете ги на хартија и испланирајте ги трошоците што ќе ги имате до крајот на месецот. Ставете ги сите редовни трошоци од една страна, а дополнителните трошоци од друга страна. На овој начин во секое време ќе знаете колку потрошивте и колку пари можете да издвоите за сите други потреби до крајот на месецот.
Следете ги промоциите и претплатете се за да добиете е-пошта за промоции и попусти
Бидете сигурни да се регистрирате за да добиете известувања за сите новости и придобивки од шопингот.
Иако е-поштата од овој вид најчесто се поврзува со промоции преку интернет, тие обично се во согласност со промоциите во продавницата, така што секогаш ќе бидете во тек со она што се случува во продавниците и преку понудите преку интернет.
Големите малопродажни ланци, заедно со производителите по празниците, на клиентите им нудат производи по пониски, специјални цени.
Посетата на неколку околни продавници може да заштеди многу, бидејќи разликата во цените на некои производи достигнува до 50 проценти.
Намалувањето претставува околу 20 проценти од вкупниот промет, се вели во статистиката.
Промена на навики
Победете ги вкоренетите навики, потрошувачката е предизвик за успех.
Најдобрато заштеда е да одите пеш, автомобилот е луксуз. Храната ви е преку глава, ви изгледа дека ќе бидете сити до средината на месецот. Килограмите треба да се стопат, а со добри чевли, пешачењето е вистинската работа. Иако гледате во излозите, не е важно, нема пари, нема.
Јануарската температура е доста предизвик, но многу е пријатна.
Понесете храна на работа, пијте кафе дома пред и после работа, прескокнете некои ирелевантни собири, а јануари ќе заврши за еден час.
Носењето храна на работа може да ви донесе голема дневна заштеда, што инаку би ги оставиле во продавниците за брза храна и пекарниците.
И, ако е за утеха, ќе бидеме наградени со февруари, кој има 29 дена оваа година, и сигурно ќе пристигне некоја неплатена сметка од од декември или некои рати на кредитните картички.
Празниците се одлични, ги сакаме, ќе се сеќаваме на нив по добрата забава и долго ќе ги паметиме. Што поради забавата, што поради долговите.