Затнат нос е проблем што често се јавува, без оглед на сезоната. Во зима поради студ и разни вируси, а во лето поради климата и честите температурни промени. Во пролет и есен, кај луѓето кои се склони кон алергии, затнат нос е редовна појава.
Овој тип на проблем не е пријатен, особено кога не можете да спиете добро поради тоа.
– Носот обично е затнат, бидејќи крвните садови во него отекуваат, што предизвикува акумулација на вишок течност во назалното ткиво. Ова отекување на ткивото доведува до назална конгестија. Дишењето преку нос ни доаѓа природно, а кога треба да дишеме преку уста, особено додека спиеме, тие се сушат и чувството е непријатно – вели д -р Дан Нго, доктор од Американската медицинска клиника.
Тој забележува дека назалната конгестија се јавува и со други симптоми кои го отежнуваат спиењето, а тие вклучуваат притисок во синусите, главоболка, кашлица и болка во увото. Назалната конгестија е придружена со инфекции како грип и настинки, и често е предизвикана од алергии. Понекогаш може да се поврзе со бременоста како несакан ефект.
Постојат неколку начини да се намали сувоста, да се ослободат тешкотиите при дишењето и да се обезбеди подобар сон дури и со затнат нос.
– Спиењето на грб е најдобрата опција кога ви е затнат носот. Лежењето на ваша страна може целосно да ја заглави едната или двете ноздри. Целта е да се овозможи слузта да исчезне преку ноќ, наместо да ви ги блокира дишните патишта и синусите – објаснува д -р Лина Великова.
Таа вели дека е корисно да додадете уште една перница под главата.
-Влажен воздух во спалната соба исто така ќе ви помогне, затоа посегнете по навлажнувачи или ставете сад со вода на радијаторот. Влажниот воздух ќе го направи секретот од вашите дишни патишта послаб, па полесно ќе го елиминирате – додава докторката.
Исто така, топла бања или туш пред спиење, како и ставање топла крпа над челото и синусите, може да ги ублажат тешкотиите.
– Топлината ќе ги прошири дишните патишта и ќе помогне бавно да се излачува секретот – вели д -р Великова.