Против загадувањето може да се борите и со исхрана – новите истражувања покажуваат дека конзумирањето риба ги поништува негативните ефекти кои загадениот воздух ги остава на мозокот.
Конзумирање на повеќе од една до две порции риби или школки неделно ги спречува штетните ефекти на загадувањето на воздухот врз мозокот, особено кај постарите лица, според истражувањето објавено во списанието Neurology. Тоа е издание поддржано од Американската академија за неврологија.
Четири симптоми кои ви укажуваат дека имате проблеми со црниот дроб
„Омега-3 масните киселини се покажаа дека го намалуваат воспалението и ја одржуваат структурата на мозокот кај постарите лица. Откриено е и дека го намалуваат оштетувањето на мозокот предизвикано од невротоксини како олово и жива “, рече авторот на студијата д-р Ка Ках, професор по епидемиологија на Универзитетот Колумбија во Њујорк, во соопштението за јавноста.
Студијата следеше бели жени постари од 70 години кои живеат во области со високо ниво на загадување на воздухот. Оние кои имаат најниско ниво на омега-3 масни киселини во крвта, имаат најзабележителен „оштетен“ мозок.
За да ја спроведат студијата, истражувачите пресметале колку риби жените консумираат во просек секоја недела, а потоа ја мереле количината на омега-3 масни киселини во крвта и ја утврдиле просечната изложеност на загадување на воздухот врз основа на нивните домашни адреси. Потоа, учесниците извршиле скенирање на мозокот за да ја измерат областа на хипокампусот, што е дел од мозокот поврзан со меморијата и белата материја, што помага во испраќање на сигнали низ целиот мозок.
Витамин К: Од каде да го набавите и зошто е важен
4 совети како да се справиме со испукани усни
Омега-3 киселините, откриле истражувачите, можат да го зачуваат обемот на белата материја и големината на хипокампусот, а можеби и да го заштитат мозокот од потенцијалните токсични ефекти од загадувањето на воздухот.
Водечкиот автор на студијата Ченг Чен, истражувач од Медицинскиот центар на Универзитетот Колумбија, изјави за Си-Ен-Ен дека се потребни повеќе истражувања за да се види дали овие резултати можат да се применат за општата популација.
„Нашата студија е една од многуте што дава корисен увид во здрав начин на живот, како што е здрава исхрана, за да се намалат штетните ефекти од загадувањето на воздухот. Општата популација сè уште треба да ги следи општите препораки на владата. Но, можам да кажам дека многу мало зголемување на омега-3 или внес на риба може да биде од корист “, рече Чен.
Зошто и колку дебелее отсуството на сон?
Мрсна риба што се пече, како лосос, скуша, сардини и туна, се некои од најдобрите извори на омега-3. За жал, пржената риба не се смета бидејќи претходните истражувања покажуваат дека длабокото пржење ги оштетува омега-3 масните киселини во неа.