Во Индонезија, која е домаќин на самитот на Г-20, велат дека сè уште не знаат дали рускиот претседател Владимир Путин ќе присуствува на настанот, изјави министерот за надворешни работи Ретно Марсуди за Ројтерс.
„Да почекаме до денот Д“, одговори таа на прашањето дали Путин ќе присуствува на самитот закажан за 15 и 16 ноември, пренесува Танјуг.
Украинската делегација, која ќе присуствува на самитот, побара Русија да биде исклучена од самитот и да се повлече поканата до Путин.
Своето пристигнување го потврдија 17 лидери
Портпаролот на индонезиското Министерство за надворешни работи, Теуку Фаизасија, изјави за Блумберг дека 17 лидери на Г20 ќе бидат на самитот, а уште тројца ќе испратат одговор.
Претходно оваа недела, Путин рече дека допрва треба да донесе одлука за заминување во Индонезија.