Германската влада ги продолжува контролите што ги воведе на границите со Полска, Чешка и Швајцарија за уште два месеци, почнувајќи од 15 декември, како дел од борбата против нерегуларната миграција, јавува Анадолија.
Министерката за внатрешни работи Ненси Фезер за весникот „Рајнише пост“ изјави дека преземените мерки се ефективни и дека борбата против трговците со луѓе е успешна.
Таа посочи дека граничните контроли се важни за намалување на бројот на нерегуларни мигранти кои доаѓаат во Германија.
Борбата против трговијата со луѓе
Фезер рече дека тие контроли ќе бидат продолжени за уште најмалку два месеци од 15 декември.
На 16 октомври Германија ја информираше Европската комисија дека граничните контроли ќе бидат спроведени на копнените граници со Полска, Чешка и Швајцарија со цел да се бори против трговијата со луѓе и да се ограничи илегалната миграција.