Две деца загинаа рано утринава во пожар во куќа во северозападна Франција каде биле со семејството за божиќните празници, дознава агенцијата Франс прес од полицијата.
Децата, девојче од околу осум и момче од околу десет години, не успеале да излезат од запалената зграда, а откако до нив дошле пожарникарите, лекарите можеле само да констатираат дека починале.
Успеале да го реанимираат третото дете, дванаесетгодишното девојче. Таа сега е во болница во Париз и е во тешка состојба.
Вкупно пет возрасни и пет деца од четири генерации на едно семејство што се собрале за Божиќ биле во куќа во едно село во Нормандија, изјави за Франс прес Изабел Дрлија-Пузе, генерален секретар на префектурата на департманот.
Петмина возрасни и другите две деца успеале навреме да излезат од зградата, меѓу кои и деведесетгодишната прабаба, вели таа.
Пожарникарите биле известени во 3 часот и 45 минути и брзо пристигнале, но пожарот веќе многу се проширил.
Отворена е истрага за утврдување на причините за пожарот.