Од ден на ден гледаме амбициозни обиди за нови дизајни на мобилни телефони, па сега ви претставуваме уште еден.
Кинеската компанија Oppo, во соработка со јапонското студио за дизајн Nendo, дизајнираше „лизгачки“ телефон кој го менува обемот како што ви одговара, во зависност од моменталната потреба.
Today, we’re showcasing two new design concepts produced in collaboration with leading Japanese design studio, nendo.
First, is the ‘slide-phone’, which features a triple-hinge foldable screen system. #OPPOxnendo pic.twitter.com/r6YNrc2EmP
— OPPO (@oppo) December 14, 2020
Може да се преклопи, исто како и другите „флип“ телефони на пазарот, а може и делумно да се отвори, во зависност од тоа дали ви треба поголема или помала површина на екранот.
Таа беше наменета и за оние кои сакаат видео игри за мобилни телефони, па доколку овој уред е целосно отворен, има простор за огромен екран, но и за сите контролни команди од лево и од десно, кои не го попречуваат прегледот на играта.
Ако телефонот се отвори при првото „преклопување“, ќе ослободите четири сантиметри од екранот, што е доволно за основните функции, како што се гледање повици, отворање апликација за пуштање музика или читање известувања.
На другото „преклопување“, телефонот нуди осум сантиметри екран, што е доволно за фотографии, а особено е погодно за селфи, бидејќи камерите се свртени кон вас во таа позиција.
На крајот, кога уредот е целосно отворен, тогаш се добива најголемата површина, а камерите ја заземаат својата стандардна позиција, од задната страна.
Oppo не соопшти кога планираат официјално да го лансираат уредот, но тој може да се појави на некој од саемите следната година.