Три пожари вчера изгаснале кумановските пожарникари, додека еден пожарникарите во општината Старо Нагоричане.
Како што информираат од Регионалниот центар за управување со кризи, во период од 09:15 до 10:35 часот, тројца пожарникари од ТППЕ Куманово интервенирале на запалена сува трева во атарот на селото Табановце.
Сува трева подоцна во текот на денот горела и во селото Лопате. Таму тројца пожарникари интервенирале во период од 13:10 до 14:20 часот.
Третата интервенција била на запалено стрниште на Никуљски пат, каде во период од 20:23 до 20:45 часот интервенирале тројца пожарникари.
И пожарникарите во Општина Старо нагоричане интервенирале на запалена сува трева. Во период од 13:00 до 14:00 часот вчера двајца пожарникари интервенирале во атарот на селото Алгуња.
Никола Ивановски