Историчарите не се откажуваат од обидот да го прочитаат Војничевиот ракопис, таинствен шифрован средновековен запис чие значење никој не може да го открие.
Неодамна лингвистите дошле до претпоставка дека во тој документ се користи посебен јазик.
МИСТЕРИЈАТА РЕШЕНА: Пронајдена 400 години стара Библија
Најдобрите умови на човештвото до денес не успеале да го откријат клучот за дешифрирање на ракописот од 15 век. Досега ништо не дало резултати, ни најновите лингвистички методи, ниту шпионските методи на специјалните служби, дури ниту вештачката интелигенција.
А со дешифрирање се занимавале првокласни експерти. На пример, во педесетите години од минатиот век ракописот го анализирал криптологот Вилијам Фридмен, кој се прославил со тоа што во текот на Втората светска војна успеал да ја одгатне јапонскат амашина за шифрирање „Парпл“.
МИСТЕРИЈАТА Е РЕШЕНА: Откриено кој бил Џек Мевосек
Овие денови Бритолскиот универзитет објавил труд на својот соработник Џерард Чешир кој е убеен дека го пронашол клучот за Војничевиот ракопис.
– Ракописот е напишан на проторомански јазик, дијалект претходник на романското јазично семејство, со кој се служеле во Португалија, Франција, Шпанија и други земји. Со тој јазик зборувале на Медитеранот во средниот век, но на него скоро никој не пишувал, затоа што јазикот на интелигенцијата, црквата и државата бил латинскиот. Поради тоа тој јазик исчезнал без трага, смета научникот.
Мистерија за убиство на студент која и по 60 години леди крв во вените повторно се истражува
Според неговото мислење, не станува збор за никаков шифриран запис. Научникот, едноставно одлучил да употреби зборови од ракописи со современи јазици.
На пример, фразата „омор нена“ тој ја превел како „мртво дете“, затоа што „омор“ звучи слично како романскиот глагол „убие“, а нена е шпански збор за „девојче“.
Дали мистеријата за смртта на Александар Македонски е решена по два милениуми?
Чешир анализирал илустрации во ракописот и претпоставил дека тоа е своевиден медицински трактат кој во 15 век го пишувале италијански монахињи за арагонската кралица Марија Кастиљска. Неговите заклучоци ги критикувале истакнати лингвисти, а Бристолскиот универзитет бил принуден да се огради од неговото истражување.
Монасите језути во 1912 година го убедувале полскиот трговец со книги Михаил Војнич, кој се претставувал како „колекционерот Вилфред“, дека чуваат редок алхемиски документ, во кој, наводно, се откриени скоро сите тајни на човештвото, од тоа каде се чува Светиот грал и како олово да се претвори во злато, до тоа од кои се компоненти се прави еликсирот на бесмртноста.
Монасите со сите сили се труделе да го продадат ракописот поскапо и тврделе дека го составил Роџер Бејкон, познат схоластичар од 13 век. Иако Војнич првобитно се сомневал во вистинитоста на нивните зборови, го купил ракописот, а остатокот од животот, се до својат асмрт во 1930 година, го посветил на дешифрирање на ракописот. Вклучувањето на најдобрит елингвисти од тоа време во работата била одлична реклама како за самиот колекционер, така и за неговото откритие.
Научниците го пронајдоа „светиот грал“ – Решена мистеријата стара 558 милиони години
Ракописот има 240 страници со илустрации на кои претежно се прикажани растенија и животни на непознати научници. Тие, како што сметаат научниците, се или измислени или изумреле. Иако јазикот на текстот е неразбирлив, напишан е на латиница. Триесетина страници од текстот, како се верува, се загубени. Сето тоа ги навело експертите да се посомневаат во оргиналноста на ракописот. Некои верувале дека го направил самиот Војнич. Од 1950 година, откако најдобрите воени криптографи не успеале да излезат на крај со дешифрирање на ракописот, таа верзија доминирала.
Лингвистот Гордон Раг во 2004 година, изгледало дека конечно докажал дека ракописот на Војнич е фалсификат, но со високопрецизна радиојаглеродна анализа, спроведена пет години подоцна, била шокирана научната јавност. Се испоставило дека ракописот е направен во првата половина на 15 век, по што истражувачите повторно започнале со нови обиди да го дешифрираат.
Научник на чекор од решавањето на најголемата мистерија на стар Египет
Меѓутоа, ни потоа никој не успеал да го преведе Војничевиот ракопис. Според една претпоставка, јазикот на ракописот го користеле катари, членови на една од најпознатите јеретички христијански секти во Средниот век. Тие во текот на тајниот обред за ритуално саубиство на најстариот член на заедницата, користеле наречје кое било смеса од фламански и старофранцуски јазик.
Одредени експерти сметаат дека Војничевиот ракопис е напишан на еден од јазиците на источна Азија кој веројатно изумрел, но дека наместо хиреоглифи користени се латинични букви. Се претпоставува дека бил наменет з ахристијанските мисионери. Приврзаниците на таа верзија наведуваат дека и првата страница на книгата е многу слична на кинеските средновековни ракописи. Ниту една од претпоставките, сепак, не станала општоприфатлива,с екоја има мноштво недостатоци. Приказната отишла толку далеку што во неа, конечно, се вклучиле и математичарите. Ниту тие, не постигнале никаков напредок.
Никогаш решената мистерија за најмладата мајка во светот
И руските научници одамна се занимаваат со изучување на тој ракопис. Соработници од Институтот за применета наука на Руската академија на науките, под водство на Јуриј Орлов, успеале со помош на современи компјутерски методи да утврдат дека документот е напишан на неколку јазици.
– Најверојатно станува збор за мешавина на јазици од германска и романска група. Со веројатност од 85 отсто може да се погоди кој јазик преовладува на секоја страница на текстот, но на такво знаење не можеме да се потпреме. На пример, ако анализираме руски текст на физичко-математичка тема, напишан во транслитерација, многу страници ќе бидат идентификувани како англиски или германски, затоа што такви се термините кои се користат, функција, диференцијал, интеграл, објаснува научникот.
Оваа шума во Полска има 400 искривени стебла и е мистерија за научниците (фото)
Проблемот е во тоа што дури и ако јазикот сепак се утврди, тоа не значи дека содржината на ракописот ќе биде сфатена. Не може да исклучи ниту можноста дека текстот го напишал неписмен човек.
Фото: Youtube/Printscreen/pericaNS