Вселенското летало „Одисеј“ ќе се обиде да слета на Месечината вечерва, нешто пред полноќ по наше време.
Тоа е првиот обид на САД за слетување на Месечината по повеќе од половина век и крајот на програмата Аполо во 1972 година.
– „Одисеј“, беспилотната лунарна сонда на компанијата Intuitive Machines, треба да се обиде да слета во областа на Јужниот пол во 22:30 UTC (што е 23:30 по средноевропско време). Следете го преносот во живо додека научните инструменти за проучување на регионот пристигнуваат на Месечината – објави американската агенција НАСА на Икс (Твитер).
Odysseus, @Int_Machines’ uncrewed Moon lander, is targeted to touch down at the lunar South Pole at 5:30pm ET (2230 UTC) Feb. 22. Watch live with us as this Moon delivery brings science instruments to study the region. https://t.co/7U0WfJG56b pic.twitter.com/9JXBdD4y6K
— NASA (@NASA) February 22, 2024
НАСА, со која Intuitive Machines има договор за оваа мисија, најави и директен пренос од слетувањето во кратерот Малаперт А во регионот на Јужниот пол.
„Одисеј“ синоќа успешно влезе во орбитата на Месечината и оттаму ги испрати првите слики кои беа поставени на сметката на социјалната мрежа Х.
– „Одисеј“ прелета покрај блиската страна на Месечината откако влезе во орбитата на Месечината на 21 февруари 2024 година. Сондата е во одлична здравствена состојба дури и во орбитата на Месечината – објавија Intuitive Machines.
Odysseus passes over the near side of the Moon following lunar orbit insertion on 21FEB2024. The lander continues to be in excellent health in lunar orbit.
(21FEB2024 1608 CST) pic.twitter.com/UX4kgkv5EW— Intuitive Machines (@Int_Machines) February 21, 2024
Одисеј полета од Земјата на 15 февруари со ракета Фалкон 9 од вселенскиот центар Кенеди во Флорида.
Ова е втор обид на американска приватна компанија да ја освои Месечината оваа година. Претходниот, со вселенското летало Peregrine, доживеа дебакл веќе во орбитата, кога откажа резервоарот за гориво.
Досега само пет земји успеале да извршат таканаречено меко слетување на Месечината – СССР, САД, Кина, Индија и Јапонија.
Сепак, интересно е што двете земји кои први го освоија сателитот на Земјата – Советскиот Сојуз (Русија) и Америка – не го направија тоа повторно од 1970-тите, додека во 21 век на азиските сили Кина, Индија и Јапонија успеаја да го направат тоа.