Има логични причини зошто летечките автомобили (се уште) не се „примени“ кај потенцијалните купувачи. Како прво, тие се скапи. Второ, тие се главно непрактични.
Словачкиот Аеромобил има механизам кој овозможува преклопување на крилата, но овој „автомобил“ е сепак прилично долг. Конечно, за летање се потребни посебни сертификати, овластувања со строги прописи кои би ги спречиле повеќето луѓе да купат едно такво возило, пишува Automobili.hr.
И покрај сите овие предизвици, Словаците мислат дека можат да привлечат доволно ентузијасти за да го платат својот потфат.
Словачката компанија веќе десет години работи на прототипи на летечкиот автомобил, а оваа година беше прикажана финалната верзија која оптимистички сакаат да им ја достават на првите клиенти во 2023 година.
Лета со 260 километри на час, што е, да речеме, побавно од просечниот суперавтомобил, но ви овозможува да го избегнете сообраќајниот метеж.
Со полн резервоар може да помине околу 740 km, како подобар бензинец или просечен дизел. За полетување му е потребна рута од околу 400 метри, што ги носи во реалност оние кои веќе замислуваат полетување од влезот во гаражата или куќата.
Брзината на искачување е 360 метри во минута, што не го прави полетувањето во големите урбани центри премногу практично.
Така, речиси сè што видовме во филмовите кога станува збор за летечките автомобили е илузија, и повторно, тоа не треба премногу да не изненади.
Интересно, AeroMobil тврди дека овој летечки автомобил е „погоден за неискусни пилоти“.
Аеромобил користи хибридно-електричен систем кој интегрира 2.0-литарски четирицилиндричен бензински „боксер“ мотор и два електромотори.
Погонскиот систем е поврзан со пропелер со променлив агол и произведува максимална моќност од 300 КС.
Едно е сигурно за AeroMobil – кое било возило што ќе го произведе, ќе биде мамка за егзотични колекционери. На крајот на краиштата, летечките автомобили (досега) се покажаа како многу непрактични, па ќе бидат реткост уште долго време.