Севернокорејскиот лидер Ким Јонг Ун рече дека ќе создаде „непобедлива армија“ како одговор на непријателската политика на САД, објавија државните медиуми во Пјонгчанг.
Ким додаде дека Северна Кореја развива оружје за самоодбрана, а не за започнување војна.
Најмоќниот човек во Северна Кореја им се обрати на медиумите за време на манифестацијата на која беа изложени голем број проектили.
Северна Кореја неодамна тестираше хиперсонични и противвоздушни ракети.
Во исто време, Јужна Кореја тестираше сопствени проектили лансирани од подморница.
Покрај ракетните проектили, тенкови беа изложени и на настанот Самоодбрана 2021 година во Пјонгјанг.
Ким, обиколувајќи го изложеното оружје, исто така рече дека Северна Кореја не сака да војува со својот јужен сосед.
„Не размислуваме за војна, туку како да ја спречиме и да го заштитиме националниот суверенитет“, посочи тој.
Ким ја обвини Америка за разгорување на тензиите меѓу Северна и Јужна Кореја.
Тој додаде дека нема причина да верува дека Америка не е непријателска кон Северна Кореја.
Американскиот претседател Џо Бајден во неколку наврати изјави дека е подготвен за разговори со Северна Кореја, но побара од Пјонгјанг да се откаже од својата нуклеарна програма со цел да разговара за укинување на санкциите.
Ким го одби предлогот.
Поради санкциите на Обединетите нации, на Северна Кореја и е забрането тестирање балистички ракети и нуклеарно оружје.
Сепак, Пјонгјанг постојано ја прекршува забраната, што доведе до уште построги санкции против Северна Кореја.
Минатиот месец, Агенцијата за атомска енергија на ОН соопшти дека се чини дека Пјонгјанг го рестартирал реакторот способен за производство на плутониум за нуклеарно оружје.
Севернокорејските власти со години инсистираат на тоа дека развојот на одбранбеното оружје е еден од главните приоритети на државата.
Но, познавачите на ситуацијата тврдат дека покажувањето воена моќ е начин Ким да се обиде да ја обедини нацијата во земја која се соочува со голема економска криза.
Властите во Северна Кореја ги затворија границите поради страв од ширење на коронавирусот.
Недостигот од храна и гориво е голем, бидејќи границата со Кина, главниот економски сојуз на Северна Кореја, исто така е затворена.
