Претпладне времето ќе биде сончево со умерена облачност, во северозападните делови променливо облачно со локален дожд. Попладне нестабилно, на повеќе места со пороен дожд и грмежи, особено во северните и источните делови. Ќе дува засилен југозападен и западен ветер, особено изразен во јужните делови од земјава, како и на планините, информираат од Управата за хидрометеоролошки работи.
Максималната температура ќе биде во интервал од 21 до 27 степени.
Утре и задутре ќе биде пооблачно со повремени врнежи од дожд, особено во претпладневните и пладневните часови.
Утре повеќе врнежи се очекуваат во северните, а во вторник во западните делови од земјава. Ќе има и ретка појава на грмежи. Ќе дува умерен северен ветер, кој вдолж Повардарието повремено ќе засилува и ќе услови намалување на дневната температура.
Во среда претпладне на запад се уште ќе има услови за локален дожд, а од четврток времето ќе биде стабилно со значителен пораст на температурата.