Градоначалникот Дамјановски однесе нова техничка помош во Сингелиќ (фото)

Градоначалникот на Општина Куманово, Зоран Дамјановски денеска беше во посета на поплавените жители во населба „Сингелиќ“.

Општина Куманово донираше механизација која ќе послужи во расчистување на теренот по саботните поплави кои го зафатија скопскиот регион.

На помош од Куманово заминаа еден скип, багер, два камиони, усисна пумпа за фекалии и вода, нисковлекачка приколка и возило за превоз на работници. Освен што беше донирана помошта Дамјановски оствари и средба со градоначалникот на Град Скопје, Коце Трајановски со кој извршија консултации во кој дел уште има потреба од донации.

За утре Дамјановски најави дека во поплавените подрачја од Општина Куманово ќе бидат испратени и средства за дезинфекција кои ќе бидат од особена важност за санирање на настанатите штети.