Уништувањето на браната Нова Каховка во јужна Украина предизвика страв од еколошка катастрофа.
Украинскиот претседател Володимир Зеленски ја опишува ситуацијата како „еколошка бомба за масовно уништување“.
Нивото на водата продолжи да расте и денеска откако вчера под руска окупација беа уништени браната и хидроцентралата.
Илјадници луѓе беа принудени да ги напуштат своите домови.
Водата ги поплавува градовите, селата и земјоделските површини и ги загрозува клучните извори на вода.
Киев и Москва меѓусебно се обвинуваат за уништување на браната, без да дадат конкретни докази дека другата страна е виновна.
Сè уште не е јасно дали браната е намерно уништена или дали има структурни оштетувања.
Зеленски рече дека Русија сноси „кривична одговорност“, а украинските обвинители го истражуваат инцидентот со браната како случај на „екоцид“.
„Последиците ќе бидат јасни за една недела, кога ќе исчезне водата“
Последиците од трагедијата ќе бидат јасни за една недела, кога водата ќе исчезне ќе стане јасно што остана и што ќе биде понатаму“, рече Зеленски.
Вниманието сега се фокусира на опасноста за луѓето, животните, земјоделските површини, населбите и изворите на вода.
Можна е контаминација со индустриски хемикалии и моторно масло што истече од хидроцентралата во реката Днепар.
„400 тони моторно масло сѐ уште се во фабриката“
Претседателот на украинската државна хидроенергетска компанија за Си-Ен-Ен изјави дека еколошките последици од прекинот ќе бидат „значајни“ и дека од оштетената опрема во централата може да истече моторно масло.
„Прво и најважно, акумулацијата Каховка веројатно ќе се испразни на нула и разбираме дека бројот на риби постепено ќе се намалува“, изјави Ихор Сирота, шеф на „Укрхидроенерго“.
„Четиристотини тони моторно масло се секогаш таму, во единиците и блок трансформаторите што обично се инсталираат на оваа опрема“, рече Сирота.
„Се зависи од степенот на уништување на опремата… Ако штетата е голема, тогаш целото масло ќе истече.
Сите информации поврзани со најновите случувања со војната во Украина можете да ги прочитате ТУКА.